Lompat ke isi

Halaman:Boekoe tjerita Sam Kok (Jilid ke 49-55).pdf/449

Dari Wikisumber bahasa Indonesia, perpustakaan bebas
Halaman ini telah diuji baca
— 4367 —

lantas melepasken pana api, hingga itoe tanggatangga terbakar abis sama sekali. Poen soldadoe jang mandjet di itoe tangga banjak jang mati terbakar. Lantaran demikian, dan djoega oleh kerna pada sasoedanja tangga-tangga soeda terbakar abis, moesoe masi sadja melepasken anak pana dan batoe sebagi oedjan, maka sekalian soldadoe Siok jang menjerang itoe kota kapaksa lantas moendoer kombali.

Khong Beng fang menjaksiken itoe perkara telah djadi goesar sekali.

„O, kau bakar akoe poenja „tangga awan"?" menggerendang Itoe ferdana mantri: „Kaloe begitoe, akoe nanti goenaken „kahar-penoebroek" boeat serang padamoel"

Itoe malem djoega Khong Beng lantas bikin sedia itoe kahar-kahar; pada esoknja pagi ia madjoeken itoe semoea boeat terdjang moesoe poenja kota dari ampat pendjoeroe

Tapi Hok Tjiauw djoega tida kakoerangan akal boeat binasaken itoe kahar-kahar penoebroek.

Ia lantas prenta soldadoenja ambil batoe-batoe, jang laloe dilobangin dan dimasoeken tambang serta diïket. Kamoedian ia soeroe soldadoenja goenaken itoe batoe bandringan boeat poekoel moesoe poenja kahar-kahar jang menjerang kota, hingga kahar-kahar itoe semoea mendjadi roesak, tida bisa dipake lagi boeat menjerang.