Lompat ke isi

Halaman:Boekoe tjerita Sam Kok (Jilid ke 49-55).pdf/427

Dari Wikisumber bahasa Indonesia, perpustakaan bebas
Halaman ini telah diuji baca
— 4345 —

boeat bikin kekel itoe persobatan jang dibikin antara negri Siok.

Itoe kabar telah membikin Houwtjoe djadi girang sekali, hingga sigra djoega ia prenta orang bawa soerat ka Han Tiong boeat sampeken itoe kabar pada Khong Beng.

Itoe tempo Khong Beng poenja kaädaän soeda djadi sampoerna betoel. Soldadoe seger, koeda gemoek, ramsoem banjak, poen segala barang jang perloe semoea soeda lengkep. Dan djoestroe itoe waktoe Khong Beng memang hendak madjoeken balatentara boeat serang negri Goei, tiba-tiba dateng poela itoe kabar dari fihak Gouw jang menggirangken ia poenja hati.

Maka tida oesa dibilang lagi begimana satelah mendenger itoe kabar Khong Beng lantas prenta orang atoer medja perdjamoean, boeat, sambil doedoek bersantap, membitjaraken djoega it e perkara dengen sekalian ponggawa-perang.

Tapi salagi doedoek berdjamoe, koenjoeng-koenjoeng di itoe tempat ada toeroen angin jang amat santer, jang menioep dari djoerasan Oetara-Timoer.

Orang-orang jang doedoek bersidang dalem itoe roewangan mendjadi amat kaget, oleh kerna itoe itoe angin telah membikin roeboe satoe poehoen Siong jang toemboe di depan itoe roewangan.

Khong Beng lantas itoeng-itoengin dengen ta-