kita-orang petja barisan kita djadi tiga pasoekan, boeat rampas pasanggrahan moesoe dengen harepan, kaloe-kaloe lantaran berboeat begini kamoedian kita bisa rampas kombali djaianan Ke Teng. Tapi tempo sampe di ini tempat akoe djadi tjoeriga sanget, oleh kerna di sitoe tida ada satoe mata-mata moesoe akoe dapetken. Akoe lantas naek di soeatoe boekit, dan koetika dengen terkedjoet akoe dapet liat, Goei Jan dan Ko Siang sedeng dikepoeng moesoe, akoe sigra toeroen kombali, laloe menjerang masoek ka dalem itoe pager sendjata boeat toeloengin itoe doea orang. Achirnja soekoer sekali akoe bisa toeloeng sampe Goei Jan dan Ko Siang terlepas dari kepoengan moesoe, dari mana kitaorang teroes pergi berkoempoel pada Ma Tjhamkoen, aken balik kombali ka kota Jang Peng Koan, oleh kerna kita kwatir, ini kota poen nanti djato ka dalem tangannja moesoe. Ini sedikit katerangan. akoe kira tjoekoeplah boeat menjataken, bahoea, kaloe sabegitoe djaoe Ma Tjhamkoen soeda dapet djoega ini karoesakan besar, itoelah boekan dari sebab akoe tida menjegah. Dan saände Sinsiang koerang pertjaja, Sinsiang boleh tanja pada masing-masing ponggawa perang, baek jang mana djoega."
Dengen swara keras Khong Beng lantas prenta Ong Peng moendoer dari Itoe roewangan. Dan koetika ini ponggawa soeda berlaloe, itoe ferdana mantri lantas panggil Ma Sok dateng padanja.