Koetika ia masoek ketemoeken Tjo Djwe di dalem kota, ini Keizer tetiron dengen merasa girang lantas berkata padanja:
„Itoe satoe waktoe, dimana kami soeda berlakoe koerang perdata, hingga kami soeda kena diasoet oleh tipoenja moesoe, telah membikin kami djadi menjesel tida soedanja. Djoega boeat Beng Tat poenja gerakan chianat, djikaloe boekan Kheng jang tindes, nistjaja itoe doea kota, Tiang An dan Lok Jang, sekarang soeda djadi binasa."
„Tempo hamba dapet kabar tentang hal itoe gerakan chianat dari Sin Gie," kata Soe-Ma le:
„sabetoelnja hamba niat wartaken doeloe pada Toeankoe, aken tetapi, oleh kerna hamba kwatir djikaloe orang moesti moendar-mandir boleh membikin oeroesan mendjadi lambat, maka dengen tida menoenggoe lagi titanja firman, tenga malem hamba lantas berangkat. Tjobalah Sri Baginda preksa ini soerat. Saändenja itoe waktoe hamba wartaken doeloe pada Toeankoe, soeda tentoe kita-orang telah terdjeblos ka dalem Tjoe-Kat Liang ampoenja tipoe."
Saäbisnja berkata begitoe, ia lantas atoerken Khong Beng poenja soerat balesan boeat Beng Tat pada Keizernja itoe.
„Kheng poenja peladjaran dan pengartian, „begitoelah pada sasoeda meliat begimana boenjinja itoe soerat Tjo Djwe memoedji pada Soe-Ma le:,sa-