Lompat ke isi

Halaman:Boekoe tjerita Sam Kok (Jilid ke 49-55).pdf/314

Dari Wikisumber bahasa Indonesia, perpustakaan bebas
Halaman ini telah diuji baca
— 4240 —

„Apatah brangkali aja hkoe soeda mengela napas lantaran inget Keizer Goei tida maoe pake lagi ajahkoe poenja tenaga ?" menanja poela Soe-Ma Soe.

„Ja, demikianlah sebabnja," menjaoet toe orang toea: Tapi toch sembarang waktoe firman nanti dateng boeat panggil akoe bekerdja kombali."

Betoel di saät Soe-Ma le oetjapken itoe perkataän sampe di achirnja, djoestroe pengawal pintoe dateng wartaken, di loear ada menoenggoe Keizer poenja oetoesan.

Soe-Ma le lantas kaloear samboet sebagimana atoeran datengnja itoe oetoesan dan trima dengen baek apa jang ada terseboet di dalem firman.

la lantas angkoet balatentara jang ada di Wan Shia dan di bebrapa tempat poela, tapi sablonnja ia brangkat, tiba-tiba orang bri taoe, jang soeroehannja Sin Gie minta berdjoempa.

Soe-Ma le lantas soeroe itoe orang masoek ka satoe kamar resia, dan menanjaken maksoed kadatengannja.

Itoe soeroehan lantas tjeritaken pandjang lebar halnja Beng Tat jang hendak brontak, dan ia britaoe djoega, jang Lie Hoe dan Teng Hian, orang kapertjajaän dan kaponakannja Beng Tat, jang ada taoe itoe hal, ada toeroet bikin dakwaän boeat itoe perboeatan chianat.

Sa'elah mendenger itoe kabar, Soe-Ma le lantas angkat tangannja ka atas djidat dan berkata dengen