Radja di itoe negri bernama Tiat Lie Kit, jang sebagimana di atas telah dibilang, dari Tja Tjho masi idoep, saban taon ada kirim oepeti pada pamerenta Goei. Di bawa prentanja ini Radja asing ada bekerdja doea mantri: satoe pada bagian pamerentahan bernama Nge Tan Sinsiang, sedeng jang laen pada bagian balatentara bernama Wat Kit Goanswe.
Tempo itoe soeroehan jang bawa soerat dan barang-barang bingkesan sampe di itoe negri, lebi doeloe la ketemoeken Nge Tan Sinsiang, sedeng sebagi pemboeka djalan boeat atoerken maksoed kadatengannja ia poen tida loepa persembaken djoega „barang peradatan" pada ini ferdana mantri.
Nge Tan Sinsiang lantas anter ia pada Tiat Lie Kit. Pada ini Radja ia lantas persembaken soeratnja Tjo Tjin serta barang-barang jang ia bawa.
Koetika soeda preksa boenjinja soerat, Tiat Lie Kit lantas doedoek bersidang dengen mantri-mantrinja.
Di sitoe itoe,,barang peradatan" jang beroepa djadi Nge Tan lantas berkata:
„Negri kita dari doeloe memang ada bikin perhoeboengan dengen negri Goel, maka kaloe sekarang Tjo Touw-tok minta kita poenja toeloengan, apalagi ia ada berdjandji aken berbesan pada kita, akoe kira pantes sekali Taij Ong moesti loeloesken."
Tiat Lie Kit toeroet itoe mantri kaparat poenja omongan. la lantas prenta Wat Kit Goanswe