Lompat ke isi

Halaman:Boekoe tjerita Sam Kok (Jilid ke 49-55).pdf/281

Dari Wikisumber bahasa Indonesia, perpustakaan bebas
Halaman ini tervalidasi
— 4207 —

Dan brangkali Khong Beng blon maoe tarik poelang balatentaranja, djikaloe moesoe jang dibasmi itoe blon moendoer sampe bilang belas paal.

Koetika soeda koempoelken poeia soldadoenja jang di waktoe perang telah djadi terpentjar sanakamari, Tjo Tjin dan Kwee Hoaij laloe balik kombali ka pasanggrahannja.

Di sitoe Tjo Tjin berkata pada pembantoenja: „Sekarang njatalah kaädaän kita poenja barisan telah djadi lemah sekali, maka daja oepaja begimanatah kita moesti goenaken boeat toelak moe­soe jang lebi koeat?”

„Itoe perkara Tjiangkoen djangan kwatir, lebi poela sebab menang dan kala ada hal jang biasa kadjadian pada balatentara,” menjaoet Kwee Hoaij: „Akoe ada sedia sätoe tipoe, dan apabila ini tipoe digoenaken, nistjaja moesoe nanti djadi tida sanggoep tangkis kita poenja panjerangan dari doea moeka, lantaran apa achirnja iaorang kapaksa moesti moendoer sendiri.”