Lompat ke isi

Halaman:Boekoe tjerita Sam Kok (Jilid ke 49-55).pdf/269

Dari Wikisumber bahasa Indonesia, perpustakaan bebas
Halaman ini telah diuji baca
— 4195 —

Itoe koetika soekoer djoega ada akoe poenja Thaij-Tjouw-Boe Hongtee (Tjo Tjho) jang soeda bikin aman ini benoea, perboeatan mana ada seperti ia gelarken tiker di tempat-tempat jang tida d'rawat, lantaran mana berlaksa kaoem soeda moentaken djantoeng boeat ia poenja kabedjikan jang didjoendjoeng tinggi di ampat pendjoeroe. Ini kapertjajaän dan perindahan besar la soeda dapet, boekan dari sebab pengaroe, tetapi oleh kerna tachdirnja Allah. Dari hal akoe poenja Sie-Tjouw-Boentee (Tjo Phie), akoe haroes bilang dia itoe ada satoe Keizer jang boleh diseboet nabi dalem perkara atoer pamerentahan dan melaekat dalem perkara atoer angkatan perang, dari sebab begitoe djoega, maka dengen menoeroet tachdirnja Allah dan kahendaknja manoesia,'dan djoega dengen menoeroet atoeran Giauw jang seraken tachta karadjaännja pada Soen, ia soeda dapet kadoedoekan jang sadjati dalem ini benoea. la tinggal di Tiongkok, tapi pamerentahannja bisa berdjalan sampe di koeliling negri, apatah ini boekan ada dari sebab kahendaknja Allah dan kainginannja rahájat negri? Sekarang toean ada gengem kapandean tinggi dan peloek barang jang besar, sebab apa djoega maka toean hendak bandingken diri sendiri dengen Koan Tiong dan Gak Ge; maka soenggoe akoe tida mengarti, mengapa dengen memaksa kau maoe djoega berboeat soeatoe perkara jang bertentangan dengen kahen-