Lompat ke isi

Halaman:Boekoe tjerita Sam Kok (Jilid ke 49-55).pdf/244

Dari Wikisumber bahasa Indonesia, perpustakaan bebas
Halaman ini telah diuji baca
— 4174 —

Itoe Hoema tanja djoega djalanan mana ia moesti ambil boeat pergi ka itoe kota.

Kamoedian, sasoedanja itoe orang oendjoek djalanan mana ia moesti ikoeti, He-Houw Bou lantas toedjoeken koedanja ka itoe djalanan, boeat pergi ka kota Thian Soei.

Di ini djalanan, kombali ia ketemoe sarombongan rahajat negri, jang satoe pimpin anak lelaki, jang laen toentoen anak prampoean, dan marika itoe roepa-roepanja ada orang-orang jang hendak pergi ka tempat djaoe.

He-Houw Bou tjoba tjari katerangan, dan dari penjaoetannja marika itoe la dapet kanjataän, bahoea itoe rahajat negri poen ada pendoedoek kota Kie Koan, jang sebagimana itoe rombongan orang jang ia ketemoe lebi doeloe, djoega hendak tjari perlindoengan di kota Siang Koei.

He-Houw Bou lantas berdjalan lebi djaoe.

Tida lama poela ia soeda sampe di kaki kota Thian Soel, dan lantas bertreak-treak minta pengawal Foekaken pintoe.

Orang-orang jang mendjaga di atas kota, dan jang ada kenal padanja, lantas boekaken pintoe dan silaken ia masoek ka dalem dengen kelakoean hormat sekali.

Sabentar lagi Ma Tjoen dateng minta bebrapa katerangan diri padanja dengen berloetoet, sedeng kelakoeannja in! Thaijsioe poenada goegoep-goegoep