Lompat ke isi

Halaman:Boekoe tjerita Sam Kok (Jilid ke 49-55).pdf/232

Dari Wikisumber bahasa Indonesia, perpustakaan bebas
Halaman ini telah diuji baca
— 4162 —

dan satoe barisan lantas kaloear dari kota Thiap Soei boeat tnenoenggoe datengnja moesoe. Sedeng boeat mendjaga ini kota, ia melaenken seraken pada Nio Sie dan In Siang jang tida mengarti perkara perang.

Sebagimana Kiang Wie poenja doegaän, bener djoega itoe waktoe Khong Beng telah titaken Tio In semboeniken satoe barisan dalem satce rimba deket itoe tempat dan marika ini tinggal menoenggoe sadja berlaloenja sotdadoe moesoe dari kota Thian Soei aken rampas itoe kota di dalem itoe tempo jang baek.

Maka itoe hari, satelah mata-matanja dateng kabarken, Thaijstioe Ma Tjoen telah kaloear dari kota Thian Soei sama-sama balatentaranja, lantaran mana itoe kota djadi melaenken tinggal didjaga oleh mantri-mantri jang tida mengarti perkara atoer balalentara, denget merasa sanget girang Tio In lantas soeroe orang sampeken itoe kabar pada Thio Ek dan Ko Siang, soepaja ini doea ponggawa — jang djoega Khong Beng prenta mengoempet boeat itoe oeroesan — lantas pegat Ma Tjoen di djalanan jang penting aken binasaken ini Thaijsioe poenja angkatan perang.

Sasoedanja itoe, bersama lima riboe soldadoe Tio In lantas kaloeir dari tempatnja mengoempet, laloe menoedjoe ka kota Thian Soei.