Sekarang Ma Tjoen tida bisa tinggal diam lebi lama lagi. Tapi salagi ia hendak geraken balaten-tara, tiba-tiba satoe orang masoek katemoeken padanja dengen berkata:
Thaijsioe hendak geraken angkatan perang? Kaloe begitoe, njatalah Thaijsioe kena ditipoe oleh Tjoe-Kat Liang!"
Semoea orang jang ada di sitoe lantas menengok, dan dapet liat orang jang berkata begitoe, jalah Kiang Wie.
Kiang Wie itoe terlahir di tana Kie, bilangan kota Thian Soei, ia poenja alias diseboet Pek Jak. Ajahnja bersama Keng, doeloe perna djabat pang-kat Kong-Tjo di kota Thian Soei, djabatan mana la pangkoe sampe ia menoetoep mata, tatkala bangsa Kiang terbitken pembrontakän.
Sadari ketjil Kiang Wie soeda fahamken berbagi-bagi kitab jang berfaedah, hingga sekarang ini ia djadi amat pande bersilat dan mengarti baek aken ilmoe mengatoer balatentara.
Pada iboenja, ia senantiasa oendjoek kabaktian, dan lantaran ini ia djadi terindah oleh segala orang di itoe kota.
Kamoedian ia djabat pangkat Tiong Long Tjiang di itoe kota serta oeroes kaperloean balatentara jang ada di bawa prentanja.
„Menoeroet warta jang paling blakang," kata poela Klang Wie sambil mendeketin pada Ma Tjoen: