Lompat ke isi

Halaman:Boekoe tjerita Sam Kok (Jilid ke 49-55).pdf/213

Dari Wikisumber bahasa Indonesia, perpustakaan bebas
Halaman ini telah diuji baca
—4143—

prenta soldadoenja toempoek roempoet kering dan kajoe bakar di kaki itoe kota, jang katanja maoe dibakar.

Tapi soldadoe Goei jang denger itoe kabar, semoea djadi tertawa bergelak-gelak, sebab iaorang pikir, moestail amat kota jang begitoe tegoe bisa dibakar.

Dengen tinggalken ini kota, sekarang kita dateng di kota An Teng, dimana Thaijsioe Tjhoei Liang, dengen katakoetan lantaran mendengar kabar jang He-Houw Bou telah terkepoeng di dalem kota Lam An, sedeng atoer pendiagaän di itoe kota dengen koerang lebi ampat riboe soldadoe jang ia dapet koempoel.

Koenjoeng-koenjoeng Tjhoei Liang dapet liat satoe orang mendatengin, dan koetika soeda dateng berdeket, orang itoe lantas berkata padanja, jang ia ada bawa satoe kabar jang amat penting.

Itoe Thaijsioe lantas soeroe ia masoek, dan menanja, kabar apa jang ia ada bawa.

Itoe soeroehan — jang sabenernja ada orangnja Khong Beng — lantas berkata:

„Akoe ini ada ponggawa-perang jang dipertjaja betoel oleh He-Houw Teuwtok, dan bernama Pwe Sie. Dengen mendjoendjoeng titanja Touwtok terseboet, akoe sengadja dateng di kota Thian Soei dan An Teng boeat minta toeloengan. Sabenernja sadari kota Lam An dikepoeng moesoe, saban hari