tenaga!" kata itoe panglima dengen swara bangga, tapi ada dengen sapantesnja: „Maka sekarang akoe tjoba berboeat apa jang akoe telah berboeat aken oendjoek sedikit boea pakerdjaännja saorang toea."
Itoe hari djoega ia soeroe orang bawa Han Jauw ka pasanggrahannja Khong Beng beserta soerat-pembritaännja.
Sedeng ini soeroehan berangkat, Han Tek dengen sisa balatentaranja berdjalan poelang menoedjoe ka pasanggrahannja He-Houw Bou.
Pada itoe Hoema dengen bertjoetjoeran aer-mata ia lantas tjeritaken apa jang telah kadjadian di medan perang.
He-Houw Bou malaenken bisa hiboerken sadja hatinja itoe orang toea dengen berbagi-bagi per-kataän seperti itoe perkara soeda terdjadi dengen tachdirnja Allah dan sebaginja, kamoedian ia sen-diri lantas madjoeken barisannja boeat bertempoer pada Tio In.
Tapi sedeng ia masi ada di tenga djalan, djoeroe-kabar dari fihak Siok, jang dapet taoe hal berang-katnja, telah bri taoe pada Tio In, hingga ini pang-lima lantas siapken satoe barisan, jang melaenken terdiri dari sariboe lebi soldadoe, di kaki boekit Hong Beng San, boeat samboet la poenja dateng.
Maka koetika sampe di itoe djalanan, di sitoe djoega He Houw Bou lantas atoer balatentaranja. Ini Hoema jang berpakean perlente dan menoeng-