Lompat ke isi

Halaman:Boekoe tjerita Sam Kok (Jilid ke 49-55).pdf/188

Dari Wikisumber bahasa Indonesia, perpustakaan bebas
Halaman ini telah diuji baca
— 4118 —

telah mendjadi Hoema Soeda lama djoega ia ada pegang kakwasaän atas balatentara, tapi blon satoe kali perna mengadep di medan perang.

Itoe waktoe permoehoenannja diloeloesken oleh Tjo Djwe, jang lantas angkat ia mendjadi Touw-tok serta boleh ambil balatentara dari Koan Sé dan dari bebrapa tempat poela boeat tangkis moesoe jang dateng.

Tapi tentang itoe kaängkatan Soetouw Ong Long ada bikin kaberatan sebagi di bawa ini:

„Sebagimana jang hamba taoe, dari doeloe Не-Houw Hoema blon perna mengadep di medan perang, maka kaloe sekarang koenjoeng-koenjoeng Toean-koe seraken padanja kakwasaän begitoe besar, itoe-lah hamba rasa boekan maoenja. Lebi lagi sebab Tjoe-Kat Liang ada amat tjerdik dan ada mempoe-njai banjık daja-oepaja serta mengenal baek aken ilmoe perang, maka djangan sekali Toeankoe gega-ba melawan perang padanja".

He-Houw Bou jang ditjela djadi amat mendong-kol. Dengen swara sengit ia lantas berkata pada Ong Long itoe:

Kaloe begitoe, brangkali Soetouw sendiri ada bikin perhoeboengan resia dengen Tjoe-Kat Liang, serta hendak bantoe padanja dari sebla dalem, ja? Sadari ketjil akoe telah toeroet ajahkoe beladjarken ilmoe mengatoer balatentara, hingga sekarang ini akoe ada mengarti baek aken ilmoe begitoe; ma-