tan djahat poen tida boleh dipake atoeran jang berbedaan; djikaloe ada orang jang berboeat perkara chianat atawa melanggar oendang- oendang negri, demikian poen jang berboeat kabaekan dan oendjoek kasetiaannja, haroeslah orang itoe diseraken pada pengadilan, soepaja bisa lantas diroendingken: apa pada dia i'oe baroes dibri hoekoeman atawa pantes dikasi gandjaran, boeat menjataken begimana dengen sasoenggoenja Toeankoe ada pegang kendali pamerentahan dengen adil dan terang. Maka djangan sekali Toeankoe tjoba menimbang berat sebla, kerna dengen begitoe, boleh membikin atoeran di dalem dan di loear nanti djadi berlaenan.
„Kwee Joe Tji, Hwi Wie, Tang Oen dan laen-laen mantri, jang masing-masing pangkoe djabatan Sie-Tiong dan Sie-Long, semoea ada orang-orang jang berpikiran pandjang dan bersifat setia, sebab begitoe djoega, maka Keizer almarhoem soeda pakerdjaken dan tinggalken marika itoe boeat membantoe pada Toeankoe. Djadi menoeroet hamba jang tjoepet poenja pikiran poen, boeat djalanken segala oeroesan di kraton, tida perdoeli ketjil besar, baek Toeankoe berempoek doeloe pada marika itoe, kamoedian baroe dikasi djalan; kerna dengen berboeat begitoe, apa jang koerang