Itoe bebrapa orang jang ditanja lantas toetoerken seperti berikoet;
„Sadari Sinsiang liwat disini saban maletn, moelai dari raenggerip sampe di waktoe fadjar, orang senantiasa bisa dapet denger di itoe kali swara setan-setan jang sasambatan, dan terkadang orang bisa dapet liat itoe iblis-iblis berkoempoel di oewap gelap jang seram sekati di pamandangan Djoega moelai dari itoe koetika orang tida brani liwat di itoe soengei, lantaran itoe iblis-iblis poenja ganggoean."
„Ja, itoelah soeda terdjadi dari sebab akoe poenja kadosaän," kata Khong Beng pada saäbisnja mendenger itoe tjerita: „Doeloe, tempo Ma Taij madjoeken tiga-riboe soldadoe Siok liwat disini, saparo antara marika itoe telah binasa di ini soengei, dan laen dari begitoe, orang-orang Ban jang terboenoe mati poen semoea dilempar di ini tempat. Itoe roch-rocb, maka soeda terbitkan ini bintjana, tentoelah djoega dari sebab iaorang ada merasa sanget penasaran, dan tida taoe penasaran itoe begimana moesti dibikin linjap. Dari sebab begitoe, baeWah sabentar malem akoe bikin sembajang di ini tempat."
„Tapi toch Sinsiang moesti toeroet atoeran lama, jaitoe pake ampat-poeloe-sembilan kapala orang boeat sembajang," kata itoe bebrapa pendoedoek negri: „kerna dengen begitoe, baroe bisa diharep