Laen harinja Khong Beng madjoeken ta poenja semoea barisan besar dan atoer barisan itoe di depan gowanja Beng Hek.
Tempo orang bri taoe hal datengnja itoe barisan pada Beng Hek, Bok Lok Taij-Ong jang mendenger ini warta, dan jang anggep diri sendiri tida ada tandingannja, lantas adtak Beng Hek itoe bersama balatentaranja kaloear boeat bertempoer pada moesoe.
Itoe koetika Khong Beng berdandan sebagi satoe orang pertapaän dengen memegang kipas; dan sebagimana biasanja, itoe waktoe poen ia ada doedoek daiem satoe kreta ketjii.
Tempo dapet meliat pada itoe ferdana mantri, Beng Hek lantas menoendjoek dan berkata pada Bok Lok Taij-Ong:
„Kaloe kau maoe taoe, orang jang doedoek di itoe kahar, dia itoelah jang diseboet Tjoe-Kat Liang, maka djika orang itoe bisa dapet ditangkep, nistjaja kita poenja oeroesan lantas djadi beres semoea."
Tida tempo lagi Bok Lok itoe lantas batja djampenja, dan sebagi djoega kemaren, itoe waktoe poen lantas toeroen angin jang amat santer, dan sablon angin itoe brenti, sakawan binatang boewas lantas menerdjang kaloear dari barisannja.
Tapi satelah Khong Beng mengebas dengan kipasnja itoe angin lantas balik menioep ka djoeroe-