— 32 —
djam. Soepaija lekas matengnja, baik aijam itoe die tjoetjookie lebih doeloe sama djaroom kasar.
Kapan aijamnja soedah lembèk, lantas die angkat en die goreng sama mentega, sampe koening. Aijam inie die makan sama stoof boeah appel. Boeah inie, die stoof sama mentega, kaijoe manis, anggoor merah, madera en goela sarasanja. Kalook soedah, aijamnja die tarook die basie besar en pinggirnja die taroekie boeah appel tadie.
105. Ragoe aijam. (Kippen ragout.) Aijam die potong-potong doeloe, abis die masak sama aer sedikit, mentega en garem. Kalook soedah mateng , die tambahie bawang goreng 1 sendok besar, meritja en pala sedikit; abis di stoof. Merahnja telor 5, mentega 1 sendok makan, soesoe 2 mangkok thee, en tjoeka 1 sendok makan, die tjampoor en die adook njang baik; abis die masak sampe kentel. Kalook soedah, sous inie die tjampoor sama stoof aijam tadie.
106. Schilpad soep (Schildpad soep.) Masak boeljon keras doeloe, abis die tjampoerie tepoong die goreng sama mentega 1 sendok makan. Kalook soedah ketjampoor betool masakan tadie die saring irig-irig; abis die masak lagie, sama garem, meritja en ketjap sedikit; lantas die tjemploengie potongan lidah die goreng. Kalook maoe die angkat die medja, die tjampoerie madera sedikit.
Soep inie die makan sama roti die potong-potong en die goreng, en sama telor die masak keras, abis die belah-belah.
107. Soep merah. (Bruine soep.) Soep inie, boemboenja sama djoega kaija soep No. 106; tjoema die tambahie kool goreng, wortel en piterselie, kalook lidahnja die masookken. Makannja zonder roti goreng en zonder telor.
108. Dobe. (Daube.) Kalook maoe bikin dobe, njang boleh die pake oedang satang, oedang ketjil, salem en aijam mateng, dadanja. Kalook maoe bikin dobe oedang satang, beginie: oedangnja die masak abis die tjoplokie koelitnja; lantas die toto sama daging of frekedel aijam die vorm. Frekedelnja die potong-potong doeloe. Bolenja toto, dengen atoor sedikit; lebih doeloe oedang, abis aijam of frekedel of dagingnja. Kalook soedah, die taroekie kappertjies, augurkies en potongan boeah olijf. Abis agar-agar ½ londjor die masak; lantas die tjampoor sama tjoeka 1 mangkok
