23
meritja, tjoeka, piterselie, daon bawang moeda, radjangan augurkies en aer djerook sedikit. Kalook sousnja telaloe kentel, bole die tambahie aer sedikit.
71. Slada majonèse. (Majonaise salade) Merahnja telor mateng 1, mentah 1, die rames sama garem en meritja; lantas die adook, djangan brentie, sama minjak slada en timpo-timpo die tètèssie tjoeka, sampe kentel sekalie. Abis die tjampoerie mostert, radjangan bawang en tjientjangan piterselie.
Kropsla die toto die basie kasar, abis die sirammie minjak, tjoeka en meritja.
Aijam 4 die goreng sama mentega abis die potong njang bagoos. Dadanja en kakienja, die tarook pinggirnja slada tadie, en njang potongan aloos, boeat toetoepie slada itoe; lantas die sirammie sous tadie. Sous inie, die toetoepie sama atjar, kalook ada, potongan augurkies of biet. Kalook soedah, pinggirnja slada, die garneer sama daon slada, en pingirnja slada inie, sama telor mateng potongan; telor 1 die belah 4.
Kalook kerdja, djaga baik sousnja, djangan kena panasnja tangan en djangan pake minjak panas; sebab nantie sousnja petjah.
72 . Pastei dingin. (Koude pastei.) Daging babie, die tjientjang aloos, abis die rames sama meritja en garem, lantas boeat isienja meliwis . (Meliwisnja die taroeki garem en meritja njang banjak.) Abis die masak, en lantas die stoof, sama madera 1 gelas besar, tjoeka 2 gelas besar, daon lourier, kembang pala, bawang poetih 2 sioong. Die stoof sampe mateng. Kalook maoe, kakie babie djoega bole die masak beginie roepa.
73. Kanar daging kambing. (Canard van schapen vleesch.) Daging kambing njang dingin 1 piring, die potong aloos-aloos (tipis;) abis radjangan bawang merah 1 piring, die goreng sama mentega 3 sendok besar. Kalook soedah, die tjampoerie sama daging tadie, dengen pake ketjap ½ mangkok thee, meritja 4 sendok thee, mentega 2 sendok besar, aer djerook nipis ¾ gelas besar. Abis die goreng sampe koening, en lantas die tarook die basie.
