— 12 —
taart, en die bakar lagie dengen apie die bawah en die atas.
34. Lidah sapie die stoof. (Rundertong gestoofd.) Lidahnja die masak njang mateng, abis die belah doewa, lantas die tarook die basie kasar. Kalook soedah, die stoof sama boeljonnja masak tadie, die tjampoerie pala ½ sendok thee, meritja ½ sendok thee, garem 2 sendok thee, tjengkeh ½ sendok thee, en bawang merah radjangan 5 sendok makan; abis die tambahie madera sakira-kira en aernja djerook nipis 1, lantas die kentelken sama beschuit toemboekan sekira-kira en mentega 3 sendok makan. Pengabiessannja die bakar pake pan taart, dengen apie die bawah en die atas.
35. Loeloor sapie sama ragoe. (Runderhaas met ragout.) Loeloornja die rendem die tjoeka ½ malem of ½ arie, lantas die stoof sampe mateng, sama frekedel aijam (frekedelnja ketjil-ketjil) en sosijs ketjil-ketjil; abis die tambahie bawang merah radjangan 4 sendok makan, meritja ½ sendok thee, garem 2 sendok thee, kembang pala 1 sendok thee, tjengkeh ½ sendok thee, anggoor madera ½ gelas besar en mentega 2 sendok makan. Lantas sousnja die kentelken sama tepoong sampe boeket.
36. Rolade paling. (Paling rollade.) Palingnja njang besar, die tjaboettie doerienja; lantas die taroekie garem, meritja en pala, abis die goeloeng en die iket. Kalook soedah, merahnja telor die keplok njang baik, abis palingnja die tjeloop die sinie en die sirammie beschuit paroeddan, lantas palingnja die goreng sampe mateng.
Sousnja inie rolade, sous slada, atawa bikin beginie: daon zuring die masak sampe lembek sekalie, abis aernja die boewang; lantas zuringnja die oenjet-oenjet die irig-irig, sampe abis aernja en tjoema ketienggalan ramboot-rambootnja. Aernja njang die tadah die bawah irig-irig, merahnja telor 5 en pala sedikit; lantas die masak lagi sebentar.
37. Karmenatjie babie (Varkens karbonade.) Dagingnja die ambil darie toelangnja, en toelangnja die kerik sampe poetih. Lantas dagingnja die tjientjang aloos, en die boembonnie sama garem, meritja, pala, rotie paroeddan en 1 of 2 telor. Abis die bikin karmenatjie, toelang-toelang tadie die
