Borg Koeldi, masieh lah koerang,
Sebab njang koewat tjoema sa'orang,
Loetoeng di kata, koerang lah garang.
Mesti lah terganti, ini sekarang.
Koeldi maloe di dalem diri,
Lantas lah bangoen, ngadep berdiri,
Bilang pada Pembesar Negeri,
Lainnja Borg, sanggoep lah tjari.
Lantas oendoer, samoea Pembesar,
Gamelan monggang, lagoe njang kasar,
Orang njang nonton pada bergingsar,
Soedah habis, dan boebar pasar.
Soedah lah habis ini sekarang,
Lantas lah poelang, samoea orang,
Kabar tersiar dalem Semarang,
Tjerita orang, lebih dan koerang.
Menoeroet kabar, orang poenja tjerita,
Koeldi dateng di dalem kota,
Tjari sobatnja, njang amat tjinta,
Boewat Borg, lah soedah njata.
Boewat Borg, boewat penganti,
Tjari sobatnja, njang baik hati,
Dapet Bertapa, orang njang seti,
Mengoekoep doepa, doedoek di peti.
Orang Bertapa, tinggal Semarang,
Mengoekoep doepa, ilmoenja karang,
Gantinja Si'Loetoeng, lah soedah terang,
Pembesar trima, dengen lah girang.
Maloem lah Toewan, sekalian rata,
Soedah tjoekoep, ini lah tjerita,
Pennanja patah, abis lah tinta,
Maka lah berenti, karangan kita.
Salam Taklim, dengen lah Sembah,
Maloem sekalian, Toewan dan Babah,
Mana salahnja, toeloeng di robah,
Njang koerang djoegak, toeloeng lah tambah.
Boekan lah pandei, tida bergoeroe,
Karangan boesoek, banjak kaliroe,
Sebab banjak, sobat njang soeroe,
Maka di karang, dengen terboeroe.
Karangan terboeroe, salahnja mesti,
Minta lah. Toewan, njang baik hati,
Mana salahnja, toeloeng lah ganti,
Trima-kasi, beriboe lah keti.
Sair ini kita njang mengarang,
Kita oepama, djoegak, binatang Semarang,
Monjet ketjil, dan tida garang,
Namanja betoel tida lah terang.
Sair ini, terbikin lah boekoe,
Terdjoewal moerah, 2 lah soekoe,
4 talėn, ilang di sakkoe,
Djoewal kombali, poen masieh lakoe.
Kaloek Toewan soedah lah beli,
Habis di batja, simpen kombali,
Kaloek ilang sajang sekali,
Tida lah dapet, ke'doewa kali.
