Masieh garang, tida lah berenti,
Toeroet Sapi di hari nanti,
Loepa sama Landak njang mati,
Njang boewang banjak, boedi dan hati.
Andjing item djadi Poenggawa besar,
Boeloenja haloes, tida lah kasar,
Andjing tertjinta oleh Pembesar,
Maka Toewannja, takoet lah goesar.
Andjing item sampe mengerti,
Djalan pekerdja'an, amat lah titi,
Toewannja lagi, berganti-ganti,
Semoea takoet dan tjinta hati.
Di sini, ganti lain tjerita,
Batja lah Toewan, njang sampe njata,
Pembesar lantas, kasi lah prenta,
Hendak terdjoewal, sawah Soerakarta.
Moelai tawar, si anak Koeda,
Tawaran pelahan, dengen lah renda,
Orang njang tawar, berdiam sceda,
Sama berpikir, di dalem dada.
Orang njang nonton, beloen boebaran,
Masieh berdiri, dalem ideran,
Banjak orang, nanti lah heran,
Kaloek denger, ini tawaran.
Menawar djoegak, si Boeroeng Nori,
Sebab sama Sapi, ada setori,
Sapi pegang, di ini negeri,
Tenggok Semarang, hendak ditjari.
Sahandei di Solo, terpegang Nori,
Sapi pegang di ini negeri,
Tentoe koesoet, di belakang hari,
Banjak perkara, timboel di tjari.
Baroe di tawar 54 riboe,
6 riboe lagi, lantas di boeboe,
Bikin kagetnja, si Koeda Saboe,
Saperti denger, goenoeng njang roeboe.
Sapa njang brani, tawar begitoe,
Oeler sawa, tawarannja djitoe,
Ini tawaran, betoelnja tentoe,
Tapi tida lantas di bantoe.
Oeler Sawa,Oeler njang djeli,
Dari Betawi, melangkah kali,
Taroek harga, djadi sekali,
Tida hendak, tawar kombali.
Tanah Batawi, sebelah barat,
Tawaran Oeler, telaloe lah sarat,
Harga itoe, soedah lah berat,
Menoeroet taksiran, di dalem Soerat.
Koeda Saboe, Koeda pingittan,
Tinggal di Solo, pangkat Kapitan,
Menoeroet Saboe, poenja ingettan,
Baik di tambah, satoe tingkatan.
Saboe sigra, bangoen berdiri,
Anak Koeda, njang di ampiri,
Laloeh berbisik di koeping kiri,
Anak Koeda, soedah denger'ri.
