Boeroeng Peking, boeloenja serat,
Pangkat Secretaris, di dalem Rat,
Lantas berdiri, membatja lah soerat,
Soewaranja njaring, tida lah sarat.
Batja soerat, sama berdiri,
Semoea Binatang, boleh denger'ri,
Menoeroet prentahnja, Gadjah Negeri,
Sawah terdjoewal, di ini hari.
Gadjah Poetih, prentah lah Manteri,
Ampat Pembesar, njang pegang negeri,
Mesti mengadép, dateng kemari,
Boewat njataken, lah ini hari.
Terdjoewal dahoeloe, Sawah Semarang,
Djadi riboet itoe lah orang,
Njang nonton, pada madjoe menjerang,
Maoe dengerken, njang sampe terang.
Orang njang nonton, pada berdiri,
Pasang koepingnja, boewat denger'ri,
Siapa nanti, njang brani sendiri,
Menawar sawah, di ini negeri.
Orang njang tawar, ganti sa'oetan,
Sama braninja, soedah keliattan,
Boeaja tamba harga, brapa tingkatan,
Sembari doedoek, tetepken ingettan.
Tawar menawar, berganti-ganti,
Orang njang nonton, bersoeka hati,
Siapa njang dapet, beloen mesti,
Tawaran Naga, soedah lah berenti.
Orang njang nonton, semoewa heran,
Naga menawar, tjoema sebentaran,
Maka berenti, Naga poenja tawaran,
Barang-kali soedah, liwat taksiran.
Boeaja Emas, tabah lah hati,
Anak sapi, brani lah mati,
Tawar menawar, saling berganti,
Beloen ada, njang mane berenti.
Njang nonton, banjak lah orang,
Semoea itoe, pada lah girang,
Meliat taroengnja, Binatang garang,
Sapi menandoek, Boeaja menjerang.
Boeaja Emas, Boeaja laoettan,
Sapi moeda, Sapi di oetan,
Sama-sama, ada kakoewatan,
Bertaroeng sampe, loepa ingettan.
Loepa ingettan, loepa lah hati,
Hendak bertaroeng, njang sampe mati,
Tida lah inget, di hari nanti,
Soedah melangkah, taksiran njang mesti.
Orang njang nonton, soeka semoewa,
Rasanja hati, hei dak tertawa,
Soenggoe lah tanding, ini berdoewa,
Sama mereboet, sawah di djawa.
Boeaja Emas, berhati lah marah,
Warna moekanja, sampe lah merah,
Hatinja panas, sebagi barah,
Blakang kali, boeaja menjerah.
