Boeroeng berdagang, si'Boeroeng Nori,
Sama sapi koening, ada setori,
Lantaran perkara di dahoeloe hari,
Apa sebabnja, soekar di tjari.
Di atas soedah tertoelis terang,
Binatang Betawi, tjampoer boeroeng Semarang,
Mari Toewan, kita mengarang,
Boewat njataken lainnja orang.
Dari Betawi Doewa koempoelan,
Tida sama, dan lain Djalan,
Maski bersobat, dengen berkenalan,
Sama di atas, tida bergaoelan.
Koempoelan di Betawi, njang ka'doewa,
Kidang Bogor, Kidang lah Toewa,
Oeler pandjang, si'oeler Sawa,
Seetan Betawi, pendek di bawa.
Koempoelan ka'doewa poenja angkatan,
Kidang Bogor, pangkat Kapitan,
Maski Toewa, gagah keliattan,
Negerinja lagi, deket di oetan.
Kidang Toewa, di oetan doeri,
Bersama 2 temennja, dateng kemari,
Ada perloenja, njang di tjari,
Hendak lah. pegang sawah negeri.
Bertiga orang hartawan, boekannja koeli,
Tjoema si'oeler loetjoe sekali,
Orangnja tinggi, bermata djeli,
Pandei berdagang, berdjoewal beli.
Oeler ini, Oeler lah S Sawa,
Langkah laoetan dateng di djawa.
Loetjoenja lagi, tiada lah doewa,
Kaloek lah oemong, sambi katawa.
Dateng Semarang, soewatoe lah Seetan,
Seetan njang aloes, moerah ingettan,
Dalem Betawi banjak kahormatan,
Soedaranja lagi, berpangkat Kapitan.
Menoeroet kabar orang poenja tjerita,
Betoel tidanja beloen lah njata,
Koempoëlan ini hendak memegang kota,
Njang di ingin, sawah Soerakarta.
Magelang dan Kedoe terbilang Negeri,
Ada djoegak perkoempoelan sendiri,
Mengadep djoega di itoe hari,
Koeldi, Loetoeng, dan Bamboe-doeri.
Denger lah kabar njang soedah terang,
Adanja ini tiga lah orang,
Bangsa berdjoewal, dan beli barang,
Hendak pegang sawah ini sekarang.
Koeldi tinggi Koeldi moewatan,
Dari di Saberang, dalem daratan,
Bapanja lagi berpangkat Kapitan,
Berdagang Tembako sepoeter oetan.
Koeldi ter'itoeng toeroenan hartawan,
Bermoesoeh sama Bèbèk prampoewan,
Bėbėk Magelang Bèbèk bangsawan,
Koeda toewa poenja lah kawan.
