16
Koewé mangkok di dalem tenong,
Potong ketoepat atas pelita,
Ikan betok lah djadi bengong,
Ikan sepat atoer tjerita.
Potong ketoepat atas pelita,
Daon kaoeng di dalem tjobèk,
Ikan sepat atoer tjerita,
Ikan baoeng mendjadi bèk.
Daon kaoeng di dalem tjobèk,
Bikin goendoe si kajoe djaran,
Ikan baoeng mendjadi bèk,
Ikan loendoe djadi sarèan.
Binkin goendoe si kajoe djaran,
Bikin biting asalnja lidi,
Ikan loendoe djadi sarèan,
Ikan keting djadi toewidi.
Bikin biting asalnja lidi,
Orang menangkep si toekang laksa,
Ikan keting djadi toewidi,
Ikan kakap mendjadi djaksa.
17
Orang menangkep si toekang laksa,
Bikin toedoeng tali telepas,
Ikan kakap mendjadi djaksa,
Ikan lindoeng mendjadi oppas.
Bikin toedoeng tali telepas,
Orang mengoeroet di batang soeling,
Ikan lindoeng mendjadi oppas,
Ikan gerot mendjadi maling.
Orang mengoeroet di batang soeling,
Beli opak boengah mengkoedoe,
Ikan gerot mendjadi maling,
Ikan geropak mendjaga gardoe.
Beli opak boengah mengkoedoe,
Alang alang toemboeh di doelang,
Ikan geropak mendjaga gardoe,
Ikan sembilang djadi pentjalang.
Alang alang toemboeh di doelang,
Bikin petjoet bekas di raoet,
Ikan sembilang djadi pentjalang,
Ikan tjoetjoet djadi sekaoet.
Pantoen karang-karangan
