28
Ada boedjang di Pasar Pagi,
Dimana tempat djinek dia pegi,
Itemlah manis badan pesegi,
Trada boleh mendapat lagi.
Ada boedjang kampoeng Tongkangan,
Soeka dia djalan lah koelilingan,
Sepoeloeh djoega dilarang djangan,
Dasaran dia tiada pantangan.
Ada boedjang tinggal di Kongsi,
Doedoek makan di waroeng nasi,
Pegimana akal maoe dikasi,
Ibarat koewe lah soedah basi.
Ada boedjang kampoeng Patekoan,
Doedoek menjender di atas lankan,
Tengok di kiri di kanan boekan,
Ada jang lain lah saja soenkan.
Ada boedjang di Toko Tiga,
Tadinja tinggal di Gang Mangga,
Maoe diboewang lah belon tega,
Rindoenja dateng tiada kedoega.
29
Ada boedjang kampoeng' Pantjoran,
Keliwat pinter membatja koran,
Banjak jang dengar lah pada heran,
Jang mana nonton bakal pikiran.
Ada boedjang di Tanah lapang,
Soeka nonton komedi Djepang,
Mentang lah mentang si toean gampang,
Djadi si nona bakal slempang.
———◀♦▶———
