48
Goreng pisang goreng gegodo,
Goreng tahoe di pinggir kali,
Soedah ia jang bertamba djodo,
Liat pè-dji pili hari.
Djiga ada boeroeng geredja,
Bikin sarang di roema radja,
Loepa makan loepa keredja,
Tjoema inget si nona sadja.
Djiga ada boeroeng tjemperling,
Kasi makan boewa kenari,
Saja ibarat roempoet jang kering,
Maoe menoenggoe emboen tengari.
Kaloe ada si boeroeng nori,
Kasi makan boea sianto,
Maoe menoenggoe emboen tengari,
Sampe kapan lah boleh djato.
Tempo perang si radja Boma,
Pendawa lari oetan kajoe,
Ibarat koembang mengisep boenga,
Koembang terebang boenga poen lajoe.
49
Pegi mantjing di moeara Toegoe,
Dapet sa-ekor ikan seroewang,
Djangan dibikin ibarat teboe,
Aer ditelen ampas diboewang.
Kapal belajar pegi di Rembang,
Sampe di Rembang menoekar oewang,
Djangan dibikin ibarat kembang,
Seger dipake lajoe diboewang.
Dari Rembang ka Bandjoewangi,
Balik lagi pegi di Rembang,
Memang kembang dasarnja wangi,
Kendati lajoe tida diboewang.
Toewan agoes arif dermawan,
Bagces roepa lah dengen roman,
Kaloe dipandang boenga di taman,
Maoe dipetik bakal tjioeman.
Pakar toelang baoenja sangit,
Badjang-badjang bertali soetra,
Ibarat boelan di tinggi langit,
Poeas dipandang dipegang soesa.
Pantoen karang-karangan 4
