40
Engget mengkoedoe naek di tangga,
Pisang kepok dalem lemari,
Panggil soldadoe di soeroeh djaga,
Takoet sampe lah rampok lari.
Pisang kepok dalem lemari,
Engget koewini di pinggir kali,
Takoet sampe lah rampok lari,
Takoet kompeni lah soesah tjari.
Engget koewini di pinggir kali,
Ketok pakoe hari Selasa,
Takoet kompeni lah soesah tjari,
Hari saptoe maoe di preksa.
Ketok pakoe hari Selasa,
Pakoe ada di atas pintoe,
Hari Saptoe maoe di preksa,
Soeroeh mengakoe salah satoe.
Pakoe ada di atas pintoe,
Petik pala di dalem bakoel,
Soeroeh mengakoe salah satoe,
Jang mana salah jang mana betoel.
41
Petik pala di dalem bakoel,
Pala ada koe dengan djantoeng,
Jang mana salah jang mana betoel,
Jang salah lagi hoekoeman gantoeng.
Pala ada koe dengan djantoeng,
Bakoel ada teroewang-roewang,
Jang salah lagi hoekoeman gantoeng,
Jang mana betoel hoekoeman boewang.
———⇔———
