38
Engget kenari koe dengen mantjoeng,
Bikin sasak abis di seroeng,
Rampoknja lari ka Teloek Poetjoeng,
Sampe dia masak ampat belas karoeng.
Bikin sasak abis di seroeng,
Bikin lankan poekoel sembilan,
Sampe dia masak ampat belas karoeng,
Abis makan brangkat djalan.
Bikin lankan poekoel sembilan,
Engget kenari mateng di tjabang,
Abis makan brangkat djalan,
Rampoknja lari ka Kali Ahang.
Engget kenari mateng di tjabang,
Bikin bakoel di pinggir djalan,
Rampoknja lari ka Kali Ahang,
Dia maoe poekoel Mandor Meran.
Bikin bakoel di pinggir djalan,
Toekang dadoe djoeal sekoteng,
Dia maoe poekoel Mandor Meran,
Soedah keboeroe soldadoe dateng.
39
Toekang dadoe djoeal sekoteng,
Kembang kembodja boesoek disekep,
Soedah keboeroe soldadoe dateng,
Djoeragan Kodja masoek menangkep.
Kembang kembodja boesoek disekep,
Bikin timba boeat mengangkat,
Djoeragan Kodja masoek menangkep,
Bapa Selimba kena di-iket.
Bikin timba boewat mengangkat,
Sembawa doktor di tangsi,
Bapa Selimba kena di-iket,
Soeroeh bawa kantoor Bekasi.
Sembawa doktor di tangsi,
Orang menoesoek 'bari berkoewi,
Soeroeh bawa kantor Bekasi,
Soeroeh masoek di dalem boewi.
Orang menoesoek 'bari berkoewi,
Engget mengkoedoe naek di tangga,
Soeroeh masoek di dalem boewi,
Panggil soldadoe di soeroeh djaga.
