36
Djati ada di poekoel ombak,
Ombak memetjah langgar beloembang,
Mati lagi kena di tembak,
Sampe di tembaklah toedjoe lobang.
Ombak memetjah langgar beloembang,
Piso raoet di dalem tong,
Sampe di tembaklah toedjoe lobang,
Toean sekaoet mati di potong.
Piso raoet di dalem tong,
Daon ketepeng berboengkoes katjang,
Toean sekaoet mati di potong,
Serean Gepeng mati di tjingtjang.
Daon ketepeng berboengkoes katjang,
Katjang ada di bawah akar,
Serean Gepeng mati di tjingtjang,
Di tjingtjang lagi lantas di bakar.
Katjang ada di bawah akar,
Toekang laksa mendjoeal tahang,
Di tjingtjang lagi lantas di bakar,
Djaksa liat tiada boleh tahan.
37
Toekang laksa mendjoewal tahang,
Petik kenari dari 'Tjekini,
Djaksa liat tiada boleh tahan,
Djaksa lari pegi semboeni.
Petik kenari dari Tjekini,
Petik koewini di patok ajam,
Djaksa lari pegi semboeni,
Semboeni lagi di poehoen bajam.
Petik koewini di patok ajam,
Pisang kepok dalem perahoe,
Semboeni lagi di poehoen bajam,
Liat rampok lah soedah djaoe.
Pisang kepok dalem perahoe,
Kain bang boeatan pangsi,
Liat rampok lah soedah djaoe,
Soedah menjebrang kali Bekasi.
Kain bang boeatan pangsi,
Engget kenari koe dengan mantjoeng,
Soedah menjebrang kali Bekasi,
Rampoknja lari ka Teloek Poetjoeng.
