32
Orang menoesoek 'bari berkoewi,
Beli golok kampoeng Tongkangan,
Disoeroeh masoek di dalem boei,
Kaki dibelok srenta tangan.
Beli golok kampoeng Tongkangan,
Engget kwini sedang tengari,
Kaki dibelok srenta tangan,
Kompeni takoet nanti dia lari.
Engget kwini sedang tangari,
Ketok pakoe ari Selasa,
Kompeni takoet nanti dia lari,
Hari saptoe maoe dipraksa.
Ketok pakoe ari Selasa,
Daon kwini boeat memèpès,
Hari Saploe maoe dipraksa,
Dia poenja bini lagi dikompes.
Daon kwini boeat memèpès,
Ambillah korma di atas bangkoe,
Dia poenja bini lagi dikompes,
Lama lama bininja 'ngakoe.
33
Ambillah korma di atas bangkoe,
Toekang laksa mendjoewal djantoeng,
Lama lama bininja 'ngakoe,
Kisan dipreksa poetoesan gantoeng.
Toekang laksa mendjoewal djantoeng,
Pegi di Poris naek di tangga,
Kisan dipreksa poetoesan gantoeng,
Banjaklah baris jang dateng djaga.
Pegi di Poris naek di tangga,
Sajoer djantoeng berkoewa laksa,
Banjaklah baris jang dateng djaga,
Tempo digantoeng hari Selasa.
Sajoer djantoeng berkoewa laksa,
Toekang kerang mendjoewal korma,
Tempo digantoeng hari Selasa,
Banjak orang pada kesima.
Toekang kerang mendjoewal korma,
Bikin koekoesan dalem pedati,
Banjak orang pada kesima,
Lihat Kisan soedahlah mati.
Pantoen karang-karangan 3
R
HERHALING VAN
BEELD
DUPUCATE IMAGE
