— 104 —
„Ja dan tida; asainja ia memang termasoek pada tjabang Siao Lim, kerna ia mendjadi moeridnja Hian Tjong Siansoe, tapi blakangan lantaran ia melakoeken banjak sekali kadjahatan, lantas ia dioesir oleh goeroenja, hingga dengen begitoe sekarang ia soeda boekannja orang dari tjabang Siao Lim lagi.”
Tie Tjong Siansoe kateter bitjara, boekannja lantas mendoesin dari iapoenja kakliroean, tapi sabaliknja mendjadi djengkel dan goesar, dengen tida banjak bitjara lagi lantas sadja ia menjerang pada Boe Beng Hiap Kek sama iapoenja toengket besi dengen tipoe thay-san-ap-teng, menimpah ka djoeroesan kapalanja.
Ini serangan thay-san-ap-teng, teroetama dilakoeken oleh saorang jang bertenaga besar seperti Tie Tjong Siansoe, pasti sekali orang aken boeroe boeroe berlompat menjingkir boeat mengegos itoe serangan jang sanget lihay ; tapi Boe Beng Hiap Kek tida berboeat begitoe, hanja ia goenaken pedangnja boeat menangkis, dan sabegitoe lekas toengket besinja menimpah pada pedangnja Boe Beng Hiap Kek, soenggoe aneh sekali lantas sadja djadi melengket sebagi djoega kena tertarik oleh magneet, boekan sadja tida bisa toeroen teroes ka bawah, malah pada waktoe maoe ditarik kombali poen tida bisa. Tie Tjong Siansoe djadi sanget terkedjoet, sebab sekarang ia baroe taoe bahoea ia djoestroe berhadepan sama satoe kiamkek jang ilmoenja sanget tinggi, bisa djalanken iapoenja ambekan ka iapoenja pedang.
Tie Tjong lantas gerakin djoega iapoenja ambekan ka djoeroesannja iapoenja toengket boeat menoelak tenaga ambekannja Tie Tjong Siansoe, soepaja iapoenja sendjata djangan melengket teroes sama pedangnja iapoenja lawanan, berbareng dengen itoe ia tarik sakeras-kerasnja. Dalem bebrapa poeloeh seconde jang
