— 102 —
hanja mengedjer dengen bernapsoe. Bebrapa moerid-moeridnja The Tay Hou almarhoem jang mempoenjai djoega sedikit kapandean ilmoe silat, mengikoet mengedjer dari sabelah blakangnja Tie Tjong Siansoe, tapi dalem sedikit tempo sadja iaorang soeda katinggalan, dan achirnja boekan sadja Boe Beng Hiap Kek dan itoe tetamoe malem prampoean djadi linjap dari pemandangan, malah Tie Tjorg Siansoe poen tida keliatan bajang-bajangannja lagi.
Tie Tjong Siansoe mengaloearken iapoenja seantero ilmoe kapandean boeat mengedjer pada itoe doea moesoeh, tapi ternjata tida bisa kasoesoel, sebab saban kali ia soeda bisa mendeketin, dengen lekas itoe orang-orang jang dikedjer tjepetken tindakan kakinja, hingga Tie Tjong Siansoe djadi katinggalan lagi. Achirnja Tie Tjong Siansoe liat itoe doea orang masoek ka satoe gombolan poehoen tjemara, jang kaloe menoeroet atoeran; tida boleh disoesoel teroes, kerna sanget berbahaja, tapi itoe waktoe Tie Tjong Siansoe djoestroe sanget goesar dan hati panas, sama sekali ia tida maoe ambil perdoeli itoe kabiasahan, hanja dengen hati hati ia masoek djoega ka dalem itoe oeian ketjil. Tapi ternjata iapoenja kadoea moesoeh tida maoe membokong padanja, sabaliknja keliatan soeda kaloear dari itoe gombolan poehoen.
Tatkala Tie Tjong sampe di loearnja itoe gombolan poehoen tjemara, ia menampak satoe lapangan roempoet jang loewas, sedeng itoe doea orang lelaki dan prampoean jang ia kedjer, djoestroe berdiri menoenggoe di tengah-tengahnja lapangan itoe. Boe Beilg Hiap Kek menoenggoe dengen sabar, boekannja seperti orang baroesan lari lantaran takoet; sekarang Tie Tjong Siansoe baroe mendoesin bahoea makanja Boe Beng Hiap Kek baroesan maboer, meloeloe lantaran
