— 101 —
Sapandjang waktoe bertaroeng, Boe Beng Hiap Kek soeda mendapet kanjatahan bahoea di sapoeternja ada banjak berkroemoen orang-orang jang memegang sendjata, roepanja aken membantoe kaloe perloe. Roepanja lebih doeloe marika dilarang membantoein oleh Tie Tjong Siansoe, jang merasa taksiran boeat kalahken pada iapoenja tandingan prampoean; tapi hal itoe Boe Beng Hiap Kek rasa tida baek, biar poen ia tida takoet dikaroeboetin oleh banjak orang. Lantaran itoe ia maoe pantjing soepaja Tie Tjong Siansoe mengikoetin ka tempat jang soenji, dimana ia aken roeboehken padanja.
Boe Beng Hiap Kek desek Tie Tjong Siansoe sama iapoenja pedang, jang dikasi kerdja dengen bagoes sekali, hingga itoe kapala goendoel terpaksa moesti moendoer bebrapa tindak ka blakang. Boe Beng Hiap Kek lantas goenaken ini koetika baek, balikin badannja dan menjoesoel pada istrinja jang soeda lari doeloean ka djoeroesan barat.
„He, bangsat, pengetjoet!” berseroeh Tie Tjong Sian soe, „kaoe maoe maboer kemana? Biar poen kaoe naek ka langit djoega, traoeroeng akoe nanti soesoel pada kaoe,”
Boe Beng Hiap Kek tida maoe meladenin, hanja belari teroes. Koetika ia soeda bisa soesoel istrinja, ia berbisik; „Di'ini djoeroesan ada terdapet satoe lapangan roempoet dekat satoe gombolan poehoen tjemara, di sitoeiah kita aken beresin pada itoe kapala goendoel.”
Sehabisnja berkata iaorang kaloearken marika poenja ilmoe kapandean berdjalan malem, jang tida berbeda seperti angin tjepetnja. Tie Tjong Siansoe jang merasa goesar pada Boe Beng Hiap Kek lantaran mendenger gosokan Tjeng Sian Hweeshio, itoe waktoe soeda tentoe sadja tida maoe malepasken,
