rante pandjang, jang bagoes menerangkan kamar itoe dan jang mana pintoenja di toetoep poela oleh saorang DERVIS.
Sahdan adalah doea orang Toerki doedoek diatas bangkoe divan dengan bersila kaki menghadap pintoe itoe; kadoeanja ada berpake sorban besar dari kaen jang mahal harganja, tjelana tjelana komprang, ikat pinggang jang indah, badjoe pendek jang tersoelam dan sapatoe prau dari koelit jang aloes; maka inilah matjem pakean pandita pandita orang Toerki dalam dzaman doeloe kala djoega. Tetapi wazir jang baroe masoek itoe ada berpake pakean tjara Wolanda, melainken fez atau songko Stamboel atas kapalanja menandai bahoewa dialah orang Toerki adanja. Satoe dari itoe doea orang Toerki jang ada doedoek di atas divan, roepanja soeda toea, djenggotnja soeda poeti tergantoeng sampe di dada; dia ada gemoek dan moeka boendar dengan kadoea matanja jang besar dan ramboet soeda poeti, tiada sekali-kali beroba mendjadi laen roepa; dia inilah djoega bernama HAMID KADHI, Hakim jang besar sendiri dari kota Konstantinopel adanja; tetapi itoe orang jang laen, jang doedoek djoega sama-sama diatas bangkoe divan ada moedaän oemoernja, dia poenja djenggot itam, moeka koeroes tetapi angkar dan matanja jang liar menjatakan jang dia ada sa-orang berhati keras dan brani, dia ini bernama MANSOER EFFENDI, maka