nja ingin ketemoein tetapi tiada brani lakoeken itoe. Kedatengannja jang paling blakang diroemanja Dolly, ada disilaken aken ia madjoeken kombali,,pendangan", pada Kitty boeat jang kadoea kalinja, jang katanja boleh djadi tiada aken ditampis. Tatkala Levine liat kombali Kitty, ia dapet kenjata'an jang katjintaannja pada itoe nona tinggal tetep tiada beroba, aken tetapi ia tiada tisa mengoendjoengin gravin Oblonsky lantaran Kitty ada berdiam di sitoe Lantaran iapoenja lamaran jang pertama soeda ditolak maka Levine sebagi orang jang ada poenja ambekan tiada mace poela ketemoein Kity, itoe prempoean jang ia tjintaken dengen Sagenep djiwanja
,,Akoe toch tiada bisa madjoeken perminta'an aken minta ia djadi akoe poenja istri sebab ia tiada bisa djadi istrinja satoe orang jang ia tiada tjinta?" begitoe ia blang dengen dirinja sendiri.
Dengen pikiran demikian katjinta'annja pada Kitty djadi adem kombali. Kapan ia inget ini, atinja djadi amat bentji pada Kitty. „Akoe tiada bisa bitjara padanja zonder goenakeu perkata'an perkata'an jang tadjem dan zonder ati djadi goesar. Lagian ia sendiri tentoe bakal dja ti lebi mendongkol pada akoe. Dan begimana akoe, sesoedanja Doly kasi ketrangan, bisa dateng di roemanja? Apa akoe bisa berlakoe seperti ia tiada ada bilang apa apa pada akoe? Aken tetapi kenapa Dolly moesti bilang begitoe pada akoe? Sabetoelnja 'koe bisa ketemoe Dolly tapi lantaran ada Kitty akoe djadi bikin kebratan. Kapan akoe maoe ketemoein djoega sama Kitty, masa koedoe di roemanja Dolly? Apa itoe akoe tiada bisa bikin di laen tempat dan dengen gegitoe semoea oeroesan bisa diberesken dengen betoel. Tapi sekarang 'koe tiada bisa berboeat begitoe."
Berselang brapa hari Dolly ada toelis satoe soerat, dengen perminta'an boeat ia tjari'in satoe zadel goena Kitty.
,,Akoe denger kau ada poenja satoe zadel! begitoelah boenjinja Doly poenja soerat, „dan harep jang itoe kau nanti maoe bawa sendiri.."
Ini toeliean ada sampe tjoekoe, aken bikin atinja djadi berdebar debar; atinja mendongkol sekali lantaran digangge begitoe roepa Begimana bisa djadi satoe prempoean jang terhormat seperti Doly maoe tjemarken nama baiknja ia poenja soedara, engen toelis soerat begitoe matjem pada iapoenja a res!
Sepoeloe lembar soerat soeda ia toelis, tapi saban saban ia moesti robek kombali dan achirnja soeda kirim itoe zadel zonder brikoetin satoe pata perkataan. Ia tiada maoe toelis jang ia ada halangan aken dateng dan dioega tiada maoe kabarken tentang iapoenja branggai.
Seperti soeda dibilang ia bikin itoe zadel dengen soeroean orang dan mengarti djoega perboeatannja tiadalah bisa dikata manis Kaesokan paginja ia seragen pekerdjaannja jalah mengoeroes itoe tana pada ia poenja admin strateur dan ia sendiri kamoedian pergi di roema Templat:Kws
