aken tetapi aken kabaekannja akoe tiada maoe goenaken. Akoe tiada kapengen bertjere. Boeat akoe ada sama sadja, bertjere atawa tiada. Melaenken akoe maoe taoe, bagimana adanja iapoenja poetoesan dalem perkara Serioja."
Vronsky tiada mengarti sama sekali, bagimana dalem ka'ada'an seperti sekarang Anna boleh inget sama iapoenja anak dan perkara bertjere. Apa itoe ada penting?
„Djangan omong lagi tentang itoe? djangan kau inget lagi itoe perkara?" begitoelah Vronsky bilang sembari pegangin kadoea tangannja Anna, dengen tjioemin itoe dengen tiada soedahnja.
Tapi Anna sendiri tiada maoe angkat moekanja akoe pandang Vronsky dan dengen soeara lesoe djawab:
„Ah, kenapa akoe tiada lantas maoe mati? Tjoba terdjadi begitoe, boekankah ada lebi baek lagi."
Aer mata toeroen dengen deres dari kadoea matanja. Anna berboeat sebrapa bisa aken bersenjoem, dengen maksoed tiada bikin loeka atinja Vronsky.
Kapan doeloean Vronsky trima dengen girang itoe ka'angkatan di Tartarije, satoe djabatan jang berbahaja, tjoema meloeloe aken hiboerin ati jang doeka, sekarang zonder pikir lebi djaoe ia toelak itoe ka'angkatan dan zonder banjak rewel lagi ia letakin pakerdja'annja.
Satoe boelan kamoedian orang liat Karenine doedoek di dalem kamernja bersama iapoenja anak lelaki.
Anna dan Vronsky soeda brangkat ka Italie. Anna tetep tiada maoe bertjere.
Tiga boelan lamanja Vronsky dan Anna pasiar di Europa, sampe achirnja iaorang sampe di kota ketjil di Italie, di mana marika berniat boeat tinggal sakoetika lamanja. Kawarasannja jan lekas semboe dan dapetin kombali iapoenja kasenangan, menjebabken Anna djadi amat broentoeng dan nafsoe boeat idoep djadi semingkin besar. Atinja jang inget katjilaka'annja iapoenja soeami, tiada bikin koerang iapoenja kasenangan. Itoe sebrapa bisa ia hendak loepaken. Kasenangannja ada terlaloe besar aken ia bisa merasa sedi. Semoea kedjadian, sabelnja ia sakit jalah baek kombali sama iapoenja soeami, itoe keriboetan jang poetoesken kombali itoe perhoeboengan, kabar jang mewartaken perboetan nekat dari Vronsky, kedatengnja itoe katjinta'an di dalem kamarnja, persedia'an aken bertjere, berlaloe dari roemahnja iapoenja soeami, membri slamat tinggal pada iapoenja anak lelaki, itoe semoea bagi Anna ada sama seperti soeatoe penjakit meriang jang soeda semboe, kerna sekarang ia ada di loear negri bersama-sama Vronsky itoe orang jang ia tjinta dengen sagnep djiwanja.
„Akoe jang djadi lantaran maka itoe orang dapet katjilaka'an dan tiada maoe toeroet rasaken itoe katjilaka'an; akoe sendiri djoega ada begitoe dan boekan tiada boleh djadi jang itoe tinggal
