apa jang aabetoelnja soeda terdjadi akoe taoe semoea. Kau sasoenggoenja ada satoe orang lelaki jang pantes dapet kahormatan tinggi . . ."
Betsy oetjapken itoe dengen soeara jang lema lemboet, sebagi djoega orang jang maoe kasi oendjoek bagimana moelia adanja Karenine poenja sikep terhadep pada iapoenja istri.
Karenine membri hormat dengen lakoe jang amat adem, tjioem tangan istrinja dan kamoedian tanjaken prihal iapoenja kawarasan. „Akoe rasa akoe ada bae'an," djawab Anna dan pandang dengen mata tiada berkesip pada moeka soeaminja.
„Kau poenja paras poetjet sekali . . ."
,,o, itoe lantaran akoe menhomong lama sekali sama Anna," kata Betsy. „Itoe soeda terdjadi lantaran akoe poenja egoisme. Sekarang akoe maoe pergi 'da."
Abis bilang begitoe ia bangoen dari tempat doedneknja, tapi Anna jang moekanja ltoe waktoe soeda djadi mera pegang iapoenja tangan dan bilang:
„Doedoeklah doeloe, akoe masi ada apa-apa jang hendak dibitjaraken sama kau."
Kamoedian dengen hadepken iapoenja soeami ia bilang: „Sama kau poen akoe hendak omong apa-apa. Akoe maoe dan tiada bisa resiaken apa-apa pada kau. Betsey bilang pada akoe, graaf Vronsky sablonnja brangkat ka Tartarija maoe membri slamat tinggal pada kita-orang." Ia brenti sabentaran sembari pandang iapoenja soeami dan
dengen lakoe terboeroe-boeroe ia landjoetken pem- bitjara'annja lebi djaoe: „Akoe soeda kasi dja- waban jang akoe tiada bisa trima iapoenja kedatengan . . . " „Anna jang manis, tadi kau bilang itoe semoea ada bergantoeng dengen poetoesannja kau poenja soeami . . .", begitoelah Betsy bilang. „Tiada, tiada. akoe tiada ada bilang begitoe, djoega akoe tiada maoe trima iapoenja kedatengan. Itoe bisa djadi ,lantaran •. ." Ia tiada teroesken apa jang ia maoe bilang, hanja pandang moekanja iapoenja soeami sebagi djoega orang jang hendak menanja apa-apa, tapi Karenine jang diawasin soeda boeang moekanja ka laen djoeroesan.
„Dengen ringkes bisa dibilang akoe tiada maoe ia dateng di sini . . .", begitoelah Anna oelangin iapoenja perkata'an. Knrenine dateng lebi deket sama Anna dan pegang iapoenja kadoea tangan. Maski poen ati sendiri tiada senang tangannja dipegang, toch Anna bisa 1ahan amaranja. „Akoe membilang banjak trima kasi atas kau poenja kebaekan jang soeda taro kapertjajaan atas akoe poenja diri." kata Karenine dengen paras maloe. Adanja prinses Tverskaia ia anggep ada satoe ganggoean aken njataken perasaan atinja. Melaenken dengen bermoefaketan sama istrinja gampang sekali ia tetepken bagimana ia moesti berlakoe dalem itoe hal. Dengen adanja
Betsy di itoe tempat bikin Karenine djadi tiada
