soeka, kau boleh tertawaken akoe poenja diri, tapi toeh akoe tiada maoe tinggalken Anna dan sama kau akoe tiada maoe sampeken perkata'an-perkata'an keras. Sekarang akoe taoe apa adanja akoe poenja kwadjiban jaitoe akoe moesti tinggal teroes sama akoe poenja istri dan begitoe djoega akoe aken berboeat. Sekarang ini paling baek jang kau oendoerken kau poenja diri ..."
Abis bilang begitoe ia bangoen dari tempat doedoeknja; kerna hatinja amat terharoe, maka ia soeda tiada bisa bitjara lebi djaoe. Poen Vronsky bangoen dari tempat doedoeknja dan hatin Karenine dengen kepala lesoe ... Betoel ia tiada mengarti bagimana adanja perasa'an Karenine, tapi dari roepanja ia dapet kenjata'an jang Karenine maoe soepaja ini hal bisa diatoer dengen dami, maoe soepaja Vronsky mengalah ... Kerna pikirannja sendiri soeda bilang dirinja bersala, dirinja pantes terhoekoem maka djoega ia tiada bisa belaken dirinja lebi djaoe. Sebagi terpaksa sekarang ia moesti tinggalken itoe pengidoepan jang doeloenja ada memberi banjak plesiran dan kagirangan bagi hatinja. Pengidoepannja jang tadinja ada begitoe senang dan broentoeng sekarang ia rasaken ada amat tjilaka dan terkoetoek. Itoe soeami jang ditjoerangin, jang merasa tjilaka sekali dengen iapoenja pengidoepan, jang soeda dapet rintangan besar dalem iapoenja kasenengan, sekarang soeda diangkat ,,bangoen" oleh Anna sendiri dan koet kadoedoekannja si soeami ada seperti bissa kombali, ia tiada sekali berlakoe djahat, palsoe atawa.
sombong . . . hanja dengen sederhana dan tabah trima kombali itoe kadoedoekan . . . Sekarang itoe "ka'ada'an" dengen sakoenjoeng-koenjoeng berganti. Ia bandingin klakoeannja Karenine dengen dirinja sendiri. Ia liat dengen teges bagimana fihaknja jang bersalah dan akoe fihaknja Karenine jang betoel. Ia liat djoega bagimana moelia adanja Karenine poenja sikep dalem iapoenja pengidoepan jang tiada broentoeng, sedeng dirinja sendiri ia liat bagimana renda dan palsoe adanja.
Iapoenja anggepan prihal kesalahannja pada itoe orang jang ia ganggoe kesenangannja, jang tadinja ia anggep ada berlakoe kedjem pada istrinja, kanjata'an boekan djadi satoe hal jang paling mendoeka'in atinja. Lebi tjilaka lagi ia rasaken atinja jang tadinja soeda adem sama dirinja Anna, sekarang djadi lebi tjinta keras kerna ia bakal tinggalkan boeat selama-lamanja. Di waktoe Anna sakit ia dapet kanjata'an bagimana besar adanja katjinta'an Anna bagi dirinja dan katjinta'an begitoe sepantesnja moesti ada djoega sama dirinja. Melaenken sebagi peringetan jang Anna bisa simpen, ialah satoe hal jang sanget merendaken dirinja. Bagimana hina adanja iapoenja diri tempo Karenine tarik iapoenja tangan jang ia pake menoetoepin moekanja . . .
Tempo poelang di roema Vronsky reba di satoe divan dengen tiada boeka lagi iapoenja pakean. Otaknja ada kerdja kras. Pikirannja ada inget berbagi-bagi hal. Dengen njata ia liat matanja.
