Toekang djaga pintoe anterin ia doea soerat kawat; satoe adalah oeroesan pakerdja'an jang ia ada lamar, sedeng jang laen adalah dari iapoenja istri, jang boenjinja ada sebagi brikcet:
- „Akoe sedeng brangkat ka tempat baka. Akoe harep, akoe meratso jang kau nanti maoe dateng ka mari! Brilah ampoen pada akoe, kerna dengen begitoe sadja akoe bisa tinggalin ini doenia dengen mata merem.“
Dengen bersenjoem eweh ia lempar itoe kawat. Tiada lebi dari omong kosong, satoe tipoe daja jang tjerdik, inilah ia tiada bersangsyi lagi! „Sekarang Anna tiada segan lagi akan berdjoesta! Terang jang ia hendak bereslin. Tiada bisa laen. Apa kamoennja? Sahken itoe pertjere'an? Tapi ia bilang: Akoe sedeng brangkat ka tempat baka...“
Lagi sekali ia batja itoe kawat dan mendadak pikirannja djadi beroeba.
„Ande'in betoel seperti apa jang ia toelis...“, begitoelah ia bilang dengen saorang diri. „Kaloe betoel ia mandi aer mata dan kapan betoel bahaja maoet ada di depan mata, kapan betoel ia merasa doeka atas iapoenja perboeatan dan akoe, jang tetep pandang itoe sebagi soeatoe „tipoean“, dengen teroes membandel akan tiada dateng, tentoe sadja dirikoe boekan sadja ada kedjem, tapi djoega akoe pantes dapet koetoekan dari orang banjak.“
Maka itoe Karenine ambil poetoesan tetetap aken tengokin istrinja. Kapan kanjata'an jang itoe betoel ada satoe tipoean belaka, ia tiada nanti maoe oetjapkan seatoe perkata'an dan sigra berlaloe dari itoe tempat. Kapan betoel ia sedeng hadepin bahaja kematian dan ia ada niatan aken ampoenin Anna, manakala ia masi bisa ketemoeken si istri; djikaloe ia dateng kabilangannya dan ia maoe oendjoek iapoenja hormat jang pengabisan kali.
Setelah tetep ia ambil ini poetoesan, maka maksoednja aken bikin perdjalanan lebi djaoe soeda dioeroengin. Tempo ia bangoen dari tidoernja di kereta api pikirannja lantes inget jang kapan Anna sampe meninggal doenia segala kasoekeran bisa disingkirken dengen gampang.
Keesokan paginja Karenine pergi ka roemahnja dan sabelomja ia toendjiken bel, pintoe soeda diboeka.
„Bagimana keada'annja njonja?” tanja ia pada boedjang.
„Kemaren njonja soeda bersalin... dengen slamet!”
Tempo denger ini moekanja Karenine djadi poetjet dan tinggal berdiri di sitoe dengen tiada berkata apa apa. Sekarang hatinja bernapaoe aken Anna lekas lekas meninggal...
„Dan begimana keadaannja njonja sendiri?”
Di itoe waktoe kabetoelan dateng Karenine poenja djongos dari loteng dan dengen soeara terpoetoes poetoes bilang:
„Njonja sakit keras. Kemaren dateng brapa dokter aken menoeloeng njonja dan kita poenja
