Paling baek, kapan toean taro kapertjaja'an atas akoe poenja diri, seraken pada akoe, begimana akoe nanti oeroes itoe. Jang madsoed toean bakal kasampean, inilah akoe soeda brani pastiken..."
,,Kaloe begitoe," begitoelah Karenina bilang samentara itoe parasnja soeda beroba djadi poetjet sekali,, belakangan akoe nanti kabarken poetoesan bagimana jang akoe maoe ambil."
Abis bilang begitoe ia bangoen dari tempat doedoeknja sembari menjemoer di medja ia bilang.
,,Dari toean poenja perkata'an akoe dapet kanjata'an jang pertjerean bisa dilakoeken. Akoe minta dengen hormat dengen perdjannjian begimana toean hendak atoer itoe..."
,,Segala ada bisa kedjadian, asal sadja toean maoe kasi kamerdika'an pada akoe," kata itoe advocaat zinder perdoeliken dengen omongan jang tersoeloet blakangan ,,Kapan akoe bisa trima toean poenja kabar," begitoelah ia samboengin pembitjara'annja sembari anter iapoenja tetamoe sampe di pintoe.
,,Dalem tempo 8 hari Apa toean ada begitoe baek djoega aken kabarken jang toean soeka pegang ini perkara dan dengen perdjandjian begimana."
..Baek, baek."
Itoe advocaat manggoet dengen dalem sembari anter tetamoenja sampe diloear jan atinja merasa girang sekali tempo soeda ada sendirian di dalem kantoor.
Dalem istoenja perdjalanan boeat satoe papreksa'an jang bersifat administratief Karenine ada berdiam tiga hari di Moskou dan kaesokannja sedari ia dateng disitoe baroe ia mengecendjoengin gedongnja gouverneur generaal. Tempo ia lagi djalan di traat ia soeda dikaokin oleh atoe soera jang njaring dan mace ataw tiada ja djadi terpaksa aken menoleh ka blakang. Ia liat Oblonsky sedeng tondjolin kepalanja di pintoe kreta, dimana ada doedoek djoega saorang prempoean dan doea anak ketjil. Itoe njonja manggoeti kepalanja dengeu lakoe jang amat hormat, samentara Olonsky sendiri goenaken iapoenja tangan aken membri hormat sama Karenine. Kanjata'an marika itoe ada Dolly dengen iapoenja anak anak. Sabetoelnja Karenine tiada soeka ketemoe orang, teroetama tiada sama soedara lelaki dari iapoenja istri. Ia angkat topinja selakoe orang jang membales hormat dan maoe djalan teroes, aken tetapi Olonsky soeda brentiken iapoenja kreta dan samperin Karenine.
,,Apa kau tiada maloe lantaran kau dateng di Moskou dengan diam diam?'
,,Akoe tiada ada poenja tempo, lagian akoe repot betoel mengoeroes akoe poenja pakerdjaan", djawab Karenine dengen lakoe adem.
,,Ajo 'da, ikoet akoe, koe poenja istri maoe omong dengen kau."
Dengen tiada bilang apa apa Karenine boeka pintoe kretanja dan menoedjoe ka kreta Dolly.
,,Kenapa kau dateng di Moskou dengen diam-
