-86-
itoe satoe persatoe."
„O, ja!" djawab Anna dengen bersenjoem zonder mengarti apa jang Betsy bilang. Anna doedoek di metja besar dan toeroet ambil bagian dalem perkara jang sedeng dibitjaraken.
Karenine tinggal di sitoe satenga diem lagi dan kamoedian adjakin istrinja poeiang bersama-sama. Zonder liat lagi soeaminja, Anna bilang jang ia hendak tinggal di sitoe sampe dateng waktoe makan. Karenine membri hormat pada tetamoe tetamoe jang ada di sitoe dan kamoedian berlaloe dari itoe tempat pesta.
Satelah abis bersantap dengen banjak somoe koetsiernja Karenine brentiken koedanja jang soeda kadınginan. Pembantoe koetsier boeka pintoe kreta, sedeng Anna sembari pake mantel, djawab omongannja Vronsky, jang itoe waktos anterin Anna, begini:
„Betoel, kau tiada ada berdjandji apa apa. Akoe djoega tiada ada minta apa apa tapi kau taoe apa jang akoe perloe. Boekan kau poenja persobatan... akoe tjoema kenal satoe kabroe toengan dalem pengidoepan, jaitoe satoe perkata'an jang kau tiada seboetben . . . Ja, tjinta !"
„Tiinta?"... begitoelah Anna oelangin dengen soeara planan. „Itoe perkata'an akoe tiada begitoe soeka denger dan tiada soeka djoega goenaken, sebab artinja itoe perkata'an boeat akoe ada terlaloe loeas, ja tegitoe loeas sampe melebiken dari apa jang barangkali kau sendiri ada artiken. Sampe ketemoe lagi!"
-87-
Abis bilang begitoe ia sodorken tangannja dan masoek dengen tjepet ka dalem kretanja.
Karenine tiada tjoeriga sama sekali jang Anna doedoek berdoea'an sadja dengen Vronsky di satoe medja ketjil, tapi ia dapet kanjata'an jang semoea tetamoe di itoe roeangan anggep klakoean itoe tiada bagoes, maka itoe ia poen toeroet tjela itoe. Diam dia Karenine soeda ambil poetoesan aken bitjaraken ini oeroesan sama istrinja.
Tempo ia poelang dari tempat pesta, ia lantas masoek di kamar batja, di mana biasanja ia tinggal di sitoe sampe poekoel satoe. Tapi ini kali pikirannja selaloe memaen sadja hingga tiadalah heran kapan ia tiada bisa doedoek membatja dengen anteng.
Biasanja di waktoe jang soeda begitoe laat ia masoek di kamer tidoer dengen penoe pikiran tentang oeroesan negri tapi ini kali jang ia pikirken adalah perkaranja iapoenja istri. Karenine Soeda ambil poetoesan aken bitjaraken ini perkara sama istrinja. Jang ini bagi Karenine tiada begitoe soeker dan gampang dilakoeken, tentoelah tiada perloe ditjeritaken lagi. Tapi tempo ia pikir lebi djaoe ini oeroesan, kanjata'an itoe perkara tiada bisa dioeroes dengen gampang. Tiadakah ia jang boekan ada saorang temboeroean, menoeroet anggepannja ada satoe hina'an boeat si istri jang orang moesti taro kapertjaja'an. Ia tiada maoe menanja, kenapa istrinja jang moeda dan eilok moesti selaloe tjinta pada
