- 8 -
tiada lama kamoedian kadengeran itoe nona menangis,
Dania Alexandrovna pasang koepingoja. Sekoenjoeng koenjoeng matanja mengembeng aer mata. Brapa seconden lamanja hatinja tinggal bersangsi sebagi lakoenja orang jang bingoeng aken tetapi dengen sekoenjoeng koenjoeng ia berdiri dan ları seperti terbang ka pintoe.
„Toch ia tjinta 'koe poenja anak,” kata prins Oblonsky. „Heran begimana ia bisa begitoe bentji padakoe?”
„Dolly, satoe perkata'an poela!” kata ia dengen soeara kras sembari boentoetin istrinja..”
„Kaloe kau brani tahan 'koe dan 'koe mendjerit dan sasoeatoe orang— joega anak anak — bakal denger orang apa adanja kau ini, 'koe hendak pergi dan kau boleh tinggal di sini dengen kau poenja piarahan.”
Abis bilang begitoe ia berlaloe dan toetoep pintoe jang ia liwatin dengen kras.
Oblonsky seka muatanja dan dengen tindakan plahan berlaloe dari itoe kamer.
„Apa bisa djadi jang ia pikir lebi djaoe ini hal ? begitoelah ia berkata dengen soeara sedi dan kamoedian panggil Matvei.
„Beresken kamer boeat njonja Anna Karenine.” Oblonsky pake iapoenja djas loear (pels) dan kamoedian naek kretanja.
Sasoedenja bisa boedjoak itoe anak jang menangis Daria Alexandrovna jang denger itoe kreta pergi, komball poela di kamernja dan doedoek di itoe tempat joega, dimana ia soeda bitjara sama iapoenja soeami. Dangen tiada berkata apa apa ia memaen dengen iapoerja djari tangan jang penoe dengen tjin tjin dan inget sekali lagi apa jang soeda dibitjaraken.
„Dia soeda pergi. Kemana? Apa ia koendjoengin itoe prempoean? Apa ia masi soeka dateng disitoe? Kenapa 'kce tiada tanja itoe padanja ?... Tiada, tiada, bar begimana djoega 'koe tiada bisa. baek poela. Malahan maski kita tinggal dalem satoe roema, toch kita poenja perhoeboengan satoe sama laen ada asing. Boeat selama lamanja. perhoeboengan antara dia dan koe tinggal asing !” begitoelah ia berkata kata dengen saorang ciri.
„Ach, 'koe tjinta betoel dirinja!... Allah Jang Maha Besar, kenapa 'koe boleh begitoe tjinta ia itoe dan sekarang? Apa 'kce soeda tiada tjinta lagi? Apakah sekarang tjintakoe tiada djadi iebi besar dari jang doeloean ?”
— — —
Bertentangan dengen iapoenja pengidoepan jang saderhana, bertentangan dengen iapoenja pengataoean jang sedikit, Stephan Arcadievitch Oblonsky ada pangkoe jabatan jang moelia dan jang dapet gadli besar jaitoe sebagi chef dari satoe ministerie di Moskou. lni kadoedoekan ia soeda dapetken dengen pertoeloengannja soeami dari iapoenja soedara prampoean Anna, Alexis Karenine, jang dalem itoe ministerie ada ambil kadoedoekan jang besar dan pengaroe.
