Lompat ke isi

Halaman:Anaknja Matjan Poeti.pdf/84

Dari Wikisumber bahasa Indonesia, perpustakaan bebas
Halaman ini tervalidasi
ANAKNJA MATJAN POETI
83

Tan wangwee jang djadi sanget terharoe meliat klakoeanja itoe anak moeda.

„Djangan koeatir, lauwpek, salekasnja akoe nanti kombali lagi dengen slamet".

Dari dalem gedong dengen boeroe-boeroe Kim Nio keloear. Ia djadi kaget waktoe denger itoe bebrapa perkata'an paling blakang.

„Kaoe ditangkep lantaran......." Katanja Kim Nio jang tida bisa meneroesken itoe omongan lantaran napasnja memboeroe.

„Tida, nona. Ini tikoan tjoema bawa dirikoe ka kantoor boeat didenger ketrangan sadja",

Sin-tjing menjaoet dan berbareng dengen habisnja itoe perkata'an ia berdoea Wangpo lantes membri hormat pada Tan wangwee dan langsoeng bersama itoe sekalian politie ia tinggalken itoe orang toea berdoea anaknja dalem kebingoengan besar.