Lompat ke isi

Halaman:Anaknja Matjan Poeti.pdf/67

Dari Wikisumber bahasa Indonesia, perpustakaan bebas
Halaman ini tervalidasi
66
PENGHIDOEPAN

dapet boenoe. Ia mengerti, berhadepan sama segala rampok goenoeng jang begini biadab, tida perloe moesti goenaken perkata'an aloes.

„Tida goena kaoe taoe akoe poenja nama, bangsat !“. Saoetnja Sin~tjing dengen soeara aseran, „kaloe betoel kaoe maoe bertanding padakoe, silakenlah madjoe !“

Kombali Sin~tjing angkat toembaknja men-jerang pada moesoenja.

Itoe moesoe jang blakangan, boekan lain, iala Ong Pah sendiri, jang begitoe dapet kabar Ong Pih lagi berklai sama Sin~tjing, koeatir itoe soedara moeda kala, ia laloe komendir bebrapa orang sama-sama menjoesoel.

Ong Pah jang kepandeannja banjak lebi tinggi dari Ong Pih, ada djadi tandingan jang loemajan boeat Sin~tjing.

Sin~tjing poen berasa ia sekarang dapetkan tandingan jang satimpal. Ia perhatiken poe-koelannja Ong Pah jang menindi atas kepalanja, samping dan bagian bawah. tapi dengen tjeli dan sanget hati² Sin~tjing selaloe bisa menangkis dan membales dengen tida koerang kerasnja.

Sebaliknja Ong Pah djoega mengerti, bahoea orang jang sekarang ada didepannja, ada satoe hohan jang tida bole dipandeng enteng.

Tjepetnja Sin~tjing poenja toembak jang menjamber pergi-dateng, tjobah boekan Ong Pah jang ladenin, tentoe sekali lebi siang soeda makan korban !“