Lompat ke isi

Halaman:Anaknja Matjan Poeti.pdf/33

Dari Wikisumber bahasa Indonesia, perpustakaan bebas
Halaman ini tervalidasi
32
PENGHIDOEPAN

pedang dengen bagoes. Brapa kali ia bisa berkelit dan menangkis serangannja Sin-tjing jang seroe, tapi bagimana ia bisa tahan bertanding sama anaknja si matjan poeti?

la orang bertaroeng belon ada doea djoeroes, Pwee-lin rasaken badannja soeda lelab lantaran kerasnja Sin-tj ng poenja poekoelan. Tapi berbareng dengen itoe keada'an jang berbahaja, sebentar lagi oentoeng Pay Lang jang liatken teroes marika poenja berklaian bisa mendoega, dan laloe prenta orang orangnja Pwee-lin semoea berbareng dateng kroeboetin Sin tjing.

Marika ada jang memegang besi, roejoeng, kajoe besar dan lain lain, semoea pada dateng kroeboetin Sin-tjing satoe!

Wangpo berdoea Ongpien jang meliat dan koeatir ia poenja kongtjoe dapet tjilaka, lantas djoega loearken sendjatanja dan madjoe kasi bantoean.

Wangpo ada boedjang jang mengerti ilmoe silat. Iapoenja poekoelan jang terkenal soeka sambit moesoe dari samping ada mengasi hasil bagoes. Belon doea poeloe poekoelan ia djatoken sendjatanja, bebrapa orang soeda pada moendoer, sedeng dilain fihak Ongpien sanget ripoe boeat oebrak-abrik kawanan bangsat jang lain. Ia tida idzinken marika terlaloe deket padanja. Siapa jang brani madjoe lebi deketan