Lompat ke isi

Halaman:Anaknja Matjan Poeti.pdf/20

Dari Wikisumber bahasa Indonesia, perpustakaan bebas
Halaman ini tervalidasi
ANAKNJA MATJAN POETI
19

gabannja itoe arak moe da brikoet doea boediangnja, itoe tiga nona jang soesa bisa ketoeloergan begitoe lekas, sekarang soeda berada kombali diatas prauwnja Wangpo.

Kekaloetan tida lama kemoedian sirep, tapi banjak orang poenja perkata'an masi membilang, bahoea itoe katjilaka‘an bisa terdjadi, adaleh sebab itoe prauw besar djalannja terlaloe deket dan tida mempoenjai katentoean. Sabentar djalan djeoeb, sabentar dateng deket lagi, bole djadi orang kemoedinja koerang hati-hati, prauwnja djadi terbentor, dan soeda tentoe, itoe prauw di mana itoe 5 nona. ada, lantaran kala besar, menampak itoe bahaja.

Wangpo lantes prenta orang prauwnja soepaja pinggirken sabentar. Doea nona jang bisa bernang lantes masoek dalem itoe prauw, maoe saksiken bagimana kaadahannja ia poenja kawan jang baroesan ditoeloeng.

„Ia orang masi lela, nona”, katanja itoe anak moeda jang samboet pada itoe kadoea nona, dideketnja siapa ada berbaring ia poenja tiga kawan dalem keada'an pangsan.

Blakangan lain orang dateng dan bagiken apa-apa jang perloe boeat bantoe kasi pertoeloengan.

Sasoedanja ditjioemin obat penawar, doea nona moelai mendoesin, kemoedian Kim Nio djoega inget orang kombali.

Roepanja ia djadi kaget, sasoeda ia poenja mata dapet liat itoe anak moeda bersama Wangpo.