-81-
en Jaaa, ada, jaitoe makan babi sama tide, itoe sadja bedanja." „Wah, tida oeroes, angkau kótain akoe." „Boekan. Tapi sebetoelnja memang begitoe, maka orang Sin-ke selamanja djebi'in kita pranakan, angkau mengarti?" „Perdoeli apa sama dia orang!" „Perdoeli apa? Mana boleh perdoeli apa. Kaloe tida ada dia masa boleh ada kita?' „Allah, soeda, akoe tida bisa menang ngomong sama angkau, paling betoel angkau njatain pikiran dalem ini perkara. „Akoe soeda bilang, tida perdoeli, asal dia baek-baek, soeda, kaloe blakang kali dapet anak, akoe dan angkau poenja tjoetjoe djoega." Tjan djadi girang sekali dengar ini poetoesan, jang ia tida njana dan tîda kira bisa didapet begitoe gampang, ia lantas bersodja pada ajah dan iboenja membilang trima kasi.
Itoe malem Tjan ampir tida bisa tidoer lantaran girangnja, dan sampe d]aoe mslem la ada diloear sebab ia rasaken dalem kamar ada terlaloe sempit boeat bisa moeat ia poenja rasa kagirangan itoe. la rasa saoemoer idoepnja belon perna begitoe girang hati seperti di itoe sore hingga apa djoega jang ia liat rasanja bagoes dan rame
