— 205 —
dalem hatinja pada itoe prampoean, jang begitoe soetji hatinja, maoe djagain anak-anaknja.
Heng It jang otaknja terang dan radjin beladjar, ia soeda dapet soesoel itoe satoe taon jang ketinggalan, dan sekarang Heng Dji djoega soeda sekola, baboe selaloe ikoet padanja, lagi poen poelangnja dia poekoel sebias, aken baboe moesti ambil dari sekola.
Meliat anak-anaknja bersekola, apa lagi Heng It ada begitoe denger kata, Soekmi djadi besar hatinja, saban kali ia kasi in tan pada Heng It, moesti radjin beladjar soepaja djangan maloe kaloe orang tanja „anak siapa?" Kaloe pinter, bisalah mendjawab dengen bangga bahoea ia ada anaknja Tjan Mo Seng.
Tempo ini tjerita ditoelis, Heng It poenja oemoer soeda seblas taon, saban ia bilang pada iboenja, lagi doea taon paling lama, ia pinda sekola di H.B.S. dan sang iboe djandjiken nanti bliken dia satoe fiets jang bagoes.
Saja tamatken ini tjerita sampe disini soepaja Pembatja poen boleh timbang menimbang, , djangan tanja „anak siapa" tetapi „sari apa" terkandoeng dalem ini tjerita, jaitoe: djangan menghinaken satoe sama laen bangsa, djoedi itoe keliwat djahat dan orang prampoen dimana jang perloe
