- 203 -
mendjoealan di pasar baroe, dan atas pertoeloengannja toean Lie, ia soeda dapet sewa satoe roema f 15 seboelan di gang blakaug pasar.
Njonja-njonja di Bandoeng memang banjak jang kenal padanja, djadilah banjak membantoe, ada jang kasi dia kerdjaan mendjait badjoe dan laen-laen, ada jang minta di bikinin djamoe, ada jang boeka toko tjita lantas kasi dia oetang banjak matjem tjita aken didjoeal di pasar.
Laen dari itoe, sebegimana doeloean dibilang, Soekmi poenja adat memang manis, ia pande bitjara dalem bahasa Soenda aloes, maka dagangannja banjak lakoe dan tentoe sadja banjak oentoeng.
Itoe tempo taon 1920, , soeda ampir 1O boelan lamanja jang Heng It brenti sekola, maka serta soeda moelain mendjoealan, lantas djoega Soekmi sendiri anter Heng It ka H.C.S , jang lantas ditrima dan serta abis vacantie lantas masoek di klas 4,
Serta diliat dagangnja mingkin madjoe, ia soeda piara lagi satoe boedjang lelaki dan prampoean, jaitoe boeat bantoe rawat roema tangga, sedeng jang lelaki moesti pikoel barang pagi ka pasar dan sore poelang, diroema moesti bela kajoe, timba aer dan laen-laen, jang mana ada soesa dikerdjaken oleh orang prcwnpoean.
